21 Mar 2007
یئنی ایل ایعترافلاری
یئنی ایلی، بوتون نئت دونیاسنداکی یولداشلاریما تبریک ائدیر، هامیسینا جان ساغلیغی آرزولاییرام.
یلشلی گؤز، دَیرلی گونلر یاشادی کئچمیش ایلده. اوخوجولارین قوتلو قدملرینی گؤز گؤز، گؤزلهیرک گونو گونوندن داها یارارلانماغا چالیشدی.
یاشلی گؤزون تمل دوشونجه سی تورک کیملی یی نین تانیتدیرماسی، اونا آیید اولان آراشدیرمالاری(تحقیقلری) بولوب بؤیوک تورک میللتینه سونماق (تقدیم ائتمک) دیر.
بو گونه قدر، یاشلی گؤزده سونولان ساولار نئتده بولونان بیلیمسل (علمی) متن لردن آلینمیشدیر. آما بو آرادا اوخوجولارا عوذور دیله مک زوروندا اولدوغوما اعتراف ائلهمهلییم، او دا بعضی دوستلارین خاطیرلادیغی کیمی، بیلیمسل ساولارین قایناغینی یازمادیغیما گؤرهدی.
تورک کیملییینه گؤره یازیب آراشدیریب، آراشدیرمالارین سونوجونو (نتیجه سینی) نئتده یایماغین، ایلک سفر اولاراق، فیکری، ناصیر منظوری جنابلارینین " تورکجه دوزیازی سی" کیلاسلاریندا بئینیمه چاخدی.
هردن نئتده دولاندیغیم گونشلی گئجه لریمده، تورکجه شعرلره دولموش، شعردن هیجاندان پارتلاماقدا اولان وئبلاگلار گؤرموشدوم و هر سفر او گؤزل شعرلری اوخویوب اولوسال لذتلره آلیناندان سونرا، اؤزومله درین تارتیشما لارا گیرمیشدیم.
" پوخا قالسین احساس، لعنته گلسین هیجان، هاچانا جان کئچه ری دویقولارا آلینیب تیکان کولو کیمی 1 دیقه ایچینده آلوولانیب کؤزهریب سؤنمه لییک "...
ایندیسه بورا گلیب چیخان "یاشلی گؤز" یئنی ایلده یئنی بیلیمسل ساولار قوللانماغا، دوستلارین یاردیملارینی اومور.
