9 Jul 2007
آی بالام من تسلیم.
من یازانمادیم.سومر کولتورو، سومر دیلی، سومر تاریخی ...
آی بالام نه ایستیسیز جانیمدان آخی؟
بیر آز اوتوردوم اوخودوم هاااا، آمما ایچیندن بشقابا قویمالی مطلب
چیخارتماغا وقتیم اولمادی.
نئیلیییم باشیم چوخ قال دیر.پایان نامه بیر یاندان، تافئله اوخودوغوم اوبیر
یاندان، ایش بیر طرفدن....باش قاشیماغا ماجال قالار ای باشووا
دولانیم.
ها دئدیم قوی بیر ایکی کلمه ییغیم یازیم گؤردوم اولمور کی اولمور. هله
بو رحمتلی یین اوغلو " منظوری" ده آداما گون وئریر ایشیق وئرمیر،
دییه ن یوخدو آی قادوو آلیم نه خبر دی آخی جانیمیزدان بئزدیردون بیزی.
بیر گون دییر قولوزو اؤلچون باشوزو توولامایین، اوبیری گون دییر باشوزو
اؤلچون قولوزو توولامایین...قارق ائلییب اوشاقلاری. یازیق شهرام بیلمیر
بو مئراسا قالمیش ازبرله دییی اینگلیسجه جومله لری مین موسیبتله
ییغیشتیریب دئسین یوخسا باشینی توولایا توولایا اللرینی اؤلچوب
همه ن سؤزلری خاطیرلاسین.
بایرامدا یازدیغیم ساودا " ناصیر منظوری جنابلاری" یازمیشام، اؤز
حسابیما مثلا ادبلی(ادبی یوخ هااا، ایندی بونو دا بیر سؤز ائله ر)
یازمیشام. ایندی هر سفر کیلاسدا دئییر آدلاری ساده جه یازین،
یازمایین بی، جناب، آغا... دلی شیطان دئییر بوندان بئله" آغای
ناکادمیک ناصیر بی منظوری جنابلاری" یازیم.آما هامیسین دان گؤزل
ائله " آی منظوری" دی. "آواوا" کیتابیندا بونا ایشاره ائلییب.هر حالدا
صاباح گینه کیلاس وار و گینه ال اؤلچوب باش توولایاجاییق.
