بو گونکی گونئی آذربایجاندا، اولونماقدا اولان کؤرپه ادبیات، سرت و جسارتلی  آددیملارا درین احتیاجی وار. باخمایاراق موسیقی سینه، آذربایجاندا یاشانیلان هونر و اینجه صنععت، اؤزگور بیر کیملییه مالک دئییل.کیملیک آنلامی، آددیمینی اتماغا، کؤرپه ادبیاتیمیزا گرکن "آیاق" دئمکدیر. گوجلنمه سی گرکیر بو آیاقین.کیملیک آنلامی ساده جه "تورکوک....تورکوک" باغیرتیلارینا قاپیلماق و هیجانلا قاریشیق، تاریخی آراشدیرمالارین سونوجون نان آسیلماق دئییل. کیملیک آنلامینا بیر" آیاق" کیمی باخیلسین گرک و بو" آیاقی" گوجلندیرمک آیدینلاریمیزا بؤیوک بیر وظیفه دیر. "آیاق" دئدیییم، فلسفی و دوشونجه سل چالیشمالارلا و دوشونجه قورولوشلارینی برکیتمکله، گونو گونوندن گوجلنه بیلر.