25 May 2006
دینا خانیم دان بیر حیکایه
چوخ چالیشدیم گؤزلریمی آچمیام ، بو اوزدن او اوزه اولدوم ، بیردن مین یئدی یوز آلتمیش بئشه سایدیم ، آما چالیشمالاریم بیر یئره چاتمادی . اوچونجو گئجه.
آخیر گؤزیمی آچدیم ، گون حه له چیخمامیشدی ، بیرینجی ایش ، ساعاتا باخدیم ، بئش .
یئردن دوردوم ، بالینجا بیر تپیک ووردوم و مطبخه طرف گئتدیم ، یامان دییه دییه چایدانی دولدوردوم گویدوم اجاق اوستونه .
صوبحون بو ساعاتین دان موتنفرم ، گوندن قاباق گؤزومو آچماق دان . هئچ زامان ایستممیشم گونشین دوغماسینی گؤرم. اشیتمیشم گونشین چرتمسی گؤزلدی آما منه بو سؤزون هئچ مفهومی یوخدو .
ایشیقلاری یاندیردیم بلکه هاوانین ایشیق اولماق حیسینی منده یارادا ، آما فایدا سیز . یاواش یاواش گونش چرتیردی و مندن سوروشمامیش گؤزومون قاباقیندان کئچرک گؤیه دیکه لیردی .
اوزومو چئویردیم باتیا ساری . گونده منله دوروشوب ، باتی دان دا چیخار منیم لجیم دن .
چایدان دا سو قاینییردی ، چایدان داکی سو دا منله دوروشوب . کاش سو قایناماق زامانینی مندن سوروشایدی . کاش باشیم آغریمایایدی .
سونوندا منی سایمایاراق گون چیخدی ، باشقا بیر گون .
